بھٹکل:19/اگست (ایس اؤنیوز)بھٹکل مدینہ کالونی میں مدینہ ویلفیر سو سائٹی کے زیر اہتمام علاقے کے طلبہ و طالبات کے لئے تعلیمی ایوارڈ اور سوسائٹی کے سالانہ جلسہ کا پروگرام منعقد کیا گیا جس میں50 سے زائد طلبہ و طالبات کو انعامات سے نوازا گیا ۔ اجلاس میں مدینہ ویلفیر سوسائٹی کی نئی انتظامیہ کے لئے انتخابات بھی ہوئے ۔ تعلیمی ایوارڈ پروگرام سے صدارتی خطاب کرتے ہوئے انجمن کے ڈگری کالج کے سابق پرنسپال پروفیسرزرزری نے سول سروسس میں طلبہ کو آگے بڑھنے کی تلقین کی ۔
پروگرام میں طلبہ کو ان کی بہتر کار کردگی پر مبارکباد دی گئی ۔ اس موقع پر علاقے کے کئی ذمہ دار علماء و عمائدین موجود تھے.